Pasaporta e Maqedonisë me emrin e vjetër mund të jetë ende në përdorim në disa vende evropiane, por jo në Gjermani. Burime diplomatike për “Deutsche Welle” thanë se pasaporta pa emrin e ri kushtetues të shtetit mund të përdoret për të dalë, por jo për të hyrë në vend.
Ata shtojnë se autoritetet gjermane po bëjnë gjithçka për të lehtësuar gjendjen e qytetarëve të Maqedonisë që nuk arritën të pajisen me pasaportë me emrin e ri kushtetues dhe se ndihma ka për qëllim para së gjithash mbrojtjen e të drejtave të tyre.
