Sot gjatë ditës një plaçkitje e armatosur ka ndodhur në një argjendari në Suharekë.
Prokurorja Ervehe Gashi nga Prokuroria Themelore e Prizrenit, ka konfirmuar për Gazetën Express se vlera e arit që u vodh sot në argjendarinë në Suharekë është 250 mijë euro.
Pamjet tregojnë dyqanin e zbrazur pas plaçkitjes.
Në grabitjen e armatosur dyshohet të jenë të përfshirë katër persona. Deri më tani nuk ka asnjë arrestim.
Nga të shtënat me armë zjarri një polic është plagosur nga plumbi rikoshet dhe një tjetër ka marrë lëndime trupore, por jo nga plumbi, këtë informacion e konfirmoi për Gazetën Express zëdhënësi i Policisë për Rajonin e Prizrenit, Shaqir Bytyqi.
